«Бавария» ярим ҳимоячиси Йозуа Киммих Франциянинг «ПСЖ» клубидан қабул қилинган мағлубиятдан сўнг ўз мулоҳазалари билан ўртоқлашди.

«Бундай муҳитда 2:5 ҳисобида мағлуб бўлаётиб, совуққонликни сақлаб қолиш унчалик осон эмас. Жорий мавсумда жамоамизни айнан мана шу жиҳат ажратиб турибди. Ўтган йилларда биз бундай вазиятда таслим бўлган бўлардик», — дея Киммихнинг сўзларини келтиради Bayern & Germany.

Чемпионлар лигаси плей-офф босқичининг дастлабки ярим финал учрашувида «Бавария» сафарда «ПСЖ»га 4:5 ҳисобида имкониятни бой берди. Жавоб баҳси 6 май куни бўлиб ўтади. Ушбу қарама-қаршилик ғолиби финалда «Атлетико» ёки «Арсенал» жамоаси билан тўқнаш келади. Маълумот учун, «ПСЖ» мусобақанинг амалдаги ғолиби ҳисобланади.