Angliya Kubogi finali 16 may kuni «Uembli» stadionida bo‘lib o‘tadi va ushbu turnir tarixida ilk bor final bahsini qora tanli hakam boshqaradi. Bu taxminan uch yildan beri APL darajasida ishlab kelayotgan 35 yoshli Akil Xouson bo‘ladi.
Eslatib o‘tamiz, Angliya Kubogining final uchrashuvida «Chelsi» va «Manchester Siti» jamoalari o‘zaro to‘qnash kelishadi. Yarim finalda «shaharliklar» «Sautgempton»ni mag‘lub etishgan bo‘lsa, «Chelsi» «Lids»dan ustun keldi.
«Aristokratlar» Angliya Kubogida sakkiz bor g‘alaba qozonishgan, so‘nggi bor bu natijaga 2018 yilda erishilgan. «Manchester Siti»ga keladigan bo‘lsak, klub yetti marta Angliya Kubogi sohibiga aylangan va oxirgi marta bu voqea yaqin o‘tmishda — «trebl» qayd etilgan 2023 yilda sodir bo‘lgan edi.
