L’Equipe nashrining xabariga ko‘ra, "PSJ" futbolchilari Chempionlar Ligasi yarim finalining dastlabki uchrashuvida "Bavariya" ko‘rsatgan hujumkor va dominant o‘yindan hayratda qolishgan. "PSJ" ushbu bahsda 5:4 hisobida g‘alaba qozongan bo‘lsa-da, raqibning kuchi ularni lol qoldirgan.
Fransiya giganti ayniqsa Harri Keyn, Luis Dias va Maykl Olisedan iborat hujum triosining harakatlaridan qattiq ta’sirlanishdi. Ushbu uchlik "PSJ" himoya chizig‘ini ko‘p bora qiyin ahvolga solib qo‘ygan.
Shu sababli, parijliklar bunday kuchli raqibni mag‘lub eta olishgani bilan faxrlanishmoqda. Jamoa keyingi hafta bo‘lib o‘tadigan javob uchrashuvida ham ijobiy natija qayd etib, ketma-ket ikkinchi mavsum final yo‘llanmasini qo‘lga kiritishga qat’iy qaror qilgan.
