L’Equipe нашрининг хабарига кўра, "ПСЖ" футболчилари Чемпионлар Лигаси ярим финалининг дастлабки учрашувида "Бавария" кўрсатган ҳужумкор ва доминант ўйиндан ҳайратда қолишган. "ПСЖ" ушбу баҳсда 5:4 ҳисобида ғалаба қозонган бўлса-да, рақибнинг кучи уларни лол қолдирган.
Франция гиганти айниқса Ҳарри Кейн, Луис Диас ва Майкл Олиседан иборат ҳужум триосининг ҳаракатларидан қаттиқ таъсирланишди. Ушбу учлик "ПСЖ" ҳимоя чизиғини кўп бора қийин аҳволга солиб қўйган.
Шу сабабли, парижликлар бундай кучли рақибни мағлуб эта олишгани билан фахрланишмоқда. Жамоа кейинги ҳафта бўлиб ўтадиган жавоб учрашувида ҳам ижобий натижа қайд этиб, кетма-кет иккинчи мавсум финал йўлланмасини қўлга киритишга қатъий қарор қилган.
