"Yuventus" bosh murabbiyi Luchano Spalletti "Manchester Siti" sardorini shu yozda "keksa sinyora" safiga qo‘shilishga ko‘ndirish uchun u bilan suhbat o‘tkazdi.

Italiyaning mashhur La Gazzetta dello Sport nashri manbalariga ko‘ra, "byankonerilar" ustozi Bernardu Silva bilan telefon orqali muloqotda klub loyihasini muhokama qilish imkoniga ega bo‘lgan. Tajribali portugaliyalik yarim himoyachining "shaharliklar" bilan amaldagi shartnomasi shu mavsum oxirida yakuniga yetishini inobatga olsak, u jamoasini o‘zgartirishi mumkin.

Joriy mavsumda 31 yoshli Bernardu Silva "Manchester Siti" libosida barcha musobaqalarda 47 ta o‘yinda maydonga tushib, 3 ta gol va 5 ta golli uzatmaga mualliflik qildi. U umumiy hisobda "gorojanlar" safida o‘tkazilgan 454 ta uchrashuvda 76 ta gol va 77 ta assistni o‘z hisobiga yozdirib qo‘ygan.