Germaniya terma jamoasi bosh murabbiyi Yulian Nagelsman Madridning «Real» klubi ustozligiga asosiy nomzodga aylandi. Bu haqda Onda Cero nashri xabar bermoqda.
Manbaning ma’lumotlariga ko‘ra, avvalroq «Real» boshqaruvi uchun asosiy da’vogar Joze Mourinyo bo‘lib turgan edi. Biroq hozirda aynan Nagelsmann nomzodi «Qirollik klubi» rahbariyati tomonidan eng ko‘p qo‘llab-quvvatlanmoqda. «Qaymoqranglilar» bosslari uning uslubi jamoaning hozirgi tarkibi va oldiga qo‘yilgan vazifalarga ideal darajada mos keladi, deb hisoblashmoqda.
Qayd etilishicha, Nagelsmanning o‘zi ham «Real»da ishlash istiqboliga ijobiy qaramoqda. Ammo u faqat JCH-2026 dan keyingina Germaniya terma jamoasini tark etishga tayyor bo‘ladi.













