Mashhur italiyalik mutaxassis Fabio Kapelloning hisoblashicha, «Milan» Rafael Leauni «Manchester Yunayted» hujumchisi Joshua Zirkzeega almashtirish taklifiga ikkilanishsiz rozi bo‘lishi kerak.
«Agar men hozir "Milan" rahbariyatida bo‘lganimda, bunday almashinuv haqida o‘ylab ham o‘tirmasdim — uni darhol amalga oshirgan bo‘lardim. Men doim Leauning muxlisi bo‘lganman, lekin u markaziy hujumchi emas. Bundan tashqari, u o‘zining eng yaxshi yillarida mashhur bo‘lgan sifatlarini asta-sekin yo‘qotib bormoqda. Hozirgi o‘yin uslubi uni juda charchatib qo‘ymoqda», — deya Kapelloning so‘zlarini keltirmoqda pianetamilan.it.
Eslatib o‘tamiz, portugaliyalik hujumchi 2019 yildan beri «Milan» sharafini himoya qilib kelmoqda.
