«PSJ» sharafini himoya qilayotgan portugaliyalik hujumchi Gonsalu Ramush Italiya chempionatiga ko‘chib o‘tishi mumkin.
Mashhur jurnalist Janluka di Marsio bergan ma’lumotlarga ko‘ra, hujumchining xizmatlari «Yuventus» va «Milan» klublariga taklif qilingan. Fransiya jamoasi tarkibida Ramush asosan rotasiya o‘yinchisi hisoblanadi va maydonda kam vaqt olmoqda. Uning agenti Jorje Mendesh portugaliyalik futbolchi uchun faol ravishda yangi klub izlamoqda.
Mish-mishlarga ko‘ra, Ramushga shuningdek «Barselona» va «Nyukasl» klublari ham qiziqish bildirmoqda.
Joriy mavsumda 24 yoshli hujumchi barcha turnirlarda 41 ta o‘yinda ishtirok etib, o‘z hisobiga 12 ta gol va 2 ta golli uzatmani yozdirib qo‘ydi. Transfermarkt portali Ramushni 35 million yevroga baholamoqda.
