«Betis» qanot hujumchisi Antoni hozirda «Santos» sharafini himoya qilayotgan mashhur braziliyalik forvard Neymarning iqtidoriga yuqori baho berdi.
Vingerning fikricha, Neymar o‘yin sifati bo‘yicha Krishtianu Ronaldudan ustun turadi.
«Men uchun Neymar — men ko‘rgan eng iqtidorli futbolchi. Men u bilan terma jamoada uzoq vaqt birga bo‘ldim va ayta olamanki, bu haqiqiy tug‘ma iste’dod. Undagi yengillik odamni hayratga soladi», — deya Antonining so‘zlarini keltirmoqda Globo.
Joriy mavsumda 34 yoshli Neymar 11 ta o‘yinda ishtirok etib, o‘z hisobiga 4 ta gol va 3 ta golli uzatmani yozdirib qo‘ydi. Hujumchining «Santos» bilan amaldagi shartnomasi 2026 yilning dekabriga qadar mo‘ljallangan.
