«Бетис» қанот ҳужумчиси Антони ҳозирда «Сантос» шарафини ҳимоя қилаётган машҳур бразилиялик форвард Неймарнинг иқтидорига юқори баҳо берди.
Вингернинг фикрича, Неймар ўйин сифати бўйича Криштиану Роналдудан устун туради.
«Мен учун Неймар — мен кўрган энг иқтидорли футболчи. Мен у билан терма жамоада узоқ вақт бирга бўлдим ва айта оламанки, бу ҳақиқий туғма истеъдод. Ундаги енгиллик одамни ҳайратга солади», — дея Антонининг сўзларини келтирмоқда Globo.
Жорий мавсумда 34 ёшли Неймар 11 та ўйинда иштирок этиб, ўз ҳисобига 4 та гол ва 3 та голли узатмани ёздириб қўйди. Ҳужумчининг «Сантос» билан амалдаги шартномаси 2026 йилнинг декабрига қадар мўлжалланган.
