Мадриднинг «Атлетико» клуби президенти Энрике Сересо ҳужумчи Хулиан Альвареснинг келажаги ҳақида гапирди.

«Альварес айтган сўзлари учун узр сўраши керакми? Ҳаётда ҳаммамиз хато қиламиз. Хулиан Альварес — «Атлетико Мадрид» футболчиси ва у «Атлетико»да қолади», — дея Сересонинг сўзларидан иқтибос келтиради Cope.es.

Сересонинг қўшимча қилишича, «Барселона» президенти Жоан Лапорта унинг яқин дўсти ва у Альварес кейинги мавсум «Атлетико»да қолишини «жуда яхши билади».

Эслатиб ўтамиз, Альвареснинг жамоадан кетиши мумкинлиги ҳақидаги хабарлар бир неча ойдан бери тинмаяпти. Даъвогарлар орасида «Барселона», «Реал» ва «Арсенал» бор. Аввалроқ Альвареснинг ўзи ҳам «Атлетико»ни тарк этиш истагини ошкора билдирган эди.