«Pari Sen-Jermen» bosh murabbiyi Luis Enrike Chempionlar ligasida 50 ta g‘alabaga eng tez erishgan mutaxassisga aylandi.
Bundan avval parijliklar yarim final ilk uchrashuvida «Bavariya»ni 5:4 hisobida mag‘lub etgan edi. Shu o‘yindan so‘ng Enrike Yevropa klublari o‘rtasidagi eng nufuzli musobaqada 77 ta uchrashuvda 50 ta g‘alabaga erishdi. Avvalgi rekord «Manchester Siti» bosh murabbiyi Xosep Gvardiolaga tegishli bo‘lib, u bu natijaga 79 ta o‘yinda erishgan.
Enrikening murabbiylik faoliyatida «Barselona» ham bor. Gvardiola ham ilgari kataloniyaliklar va «Bavariya» jamoalarini boshqargan.
Chempionlar ligasi-2025/2026 mavsumi finali 30 may kuni Budapeshtdagi «Pushkash Arena» stadionida bo‘lib o‘tadi. Amaldagi chempion — «PSJ».













