«Manchester Yunayted» bosh murabbiyi Maykl Kerrik «Liverpul»ga qarshi kechadigan katta o‘yin oldidan jamoadagi kadrlar holati haqida to‘xtalib o‘tdi.
«Biz haqiqatan ham yaxshi holatdamiz. Kunya jamoa bilan biroz mashg‘ulot o‘tkazdi, shu bois undan umidimiz katta. Shouga kelsak, uning tayyor bo‘lishiga hali to‘liq ishonchimiz komil emas, lekin bunga umid qilyapmiz. De Ligt esa hali tayyor emas, u o‘yinda ishtirok etmaydi», — dedi Kerrik matbuot anjumani davomida.
«Manchester Yunayted» va «Liverpul» o‘rtasidagi bahs yakshanba, 3 may kuni bo‘lib o‘tadi. Uchrashuv Toshkent vaqti bilan soat 19:30 da boshlanadi.
