Hand of Arsenal nashrining xabar berishicha, «Arsenal» shu yozda Yurriyen Timber bilan yangi uzoq muddatli shartnoma imzolanishiga tobora ko‘proq ishonch hosil qilmoqda va kelishuvni uzaytirish bo‘yicha muzokaralar ijobiy ketmoqda.

Muzokaralar ancha ilgarilab qolgan bo‘lib, yangi shartnoma Timberning Mikel Arteta jamoasidagi muhim o‘rnini aks ettirishi kutilmoqda.

Shartnoma bo‘yicha muhokamalar bilan bir qatorda, Timber jarohatdan tiklanish jarayonini davom ettirmoqda. Uning jismoniy holati klub tibbiy shtabi tomonidan qat’iy nazorat ostiga olingan.

Chov sohasidagi muammolar bilan ishlash ancha murakkab ekani ta’kidlanmoqda, shu bois klub uning reabilitasiyasiga ehtiyotkorlik bilan yondashmoqda. Ma’lum bo‘lishicha, u tiklanish dasturi doirasida maxsus mutaxassis bilan ishlamoqda, biroq bu borada hali to‘liq tasdiqlangan ma’lumotlar kutilyapti.

Davom etayotgan xavotirlarga qaramay, klub ichida Timberning mavsum yakuniga qadar maydonga qaytishi borasida optimistik kayfiyat mavjud.