«Lids» Angliya chempionatining 35-turini «Byornli» ustidan g‘alaba bilan boshlab, keyingi mavsum uchun APLdagi o‘rnini deyarli naqd qildi. «Liverpul» klubi sobiq futbolchisi Jeymi Rednapp «Lids» va uning ustozi Daniel Farkening muvaffaqiyatiga izoh berdi.
«Farkega nisbatan hurmatim baland. Uning manziliga ko‘plab tanqidlar yangragan edi, ammo rahbariyat unga ishonch bildirdi va to‘g‘ri yo‘l tutdi. Bu — sabr-toqatning eng yaxshi namunasidir. Qolaversa, muxlislar ham ushbu jamoaga ishonishadi. Bu juda muhim», — deya Rednappning so‘zlaridan iqtibos keltirmoqda BBC Sport.
Hozirda «Lids» Angliya Premyer-ligasi turnir jadvalida 14-o‘rinni egallab turibdi. Jamoa Farke boshchiligida eng muhim pallada kerakli ochkolarni qo‘lga kirita oldi.













