Dortmundning «Borussiya» klubiga tegishli bo‘lgan qanot himoyachisi Daniel Svensson transfer bozorida katta qiziqish uyg‘otmoqda. Insayder Ekrem Konurning xabar berishicha, lateral uchun asosiy da’vogarlar sifatida Milanning «Inter» va «Liverpul» klublari ko‘rilmoqda.

Shuningdek, Svensson «Arsenal», «Milan» va «Atalanta» klublarining ham qiziqishlar doirasida turibdi. Germaniya tomoni, o‘z navbatida, agar himoyachi uchun 40-45 million yevro taklif qilinsa, uni qo‘yib yuborishga tayyor.

Joriy mavsumda Daniel 43 ta uchrashuvda maydonga tushib, o‘z hisobiga 4 ta gol va 2 ta golli uzatmani yozdirib qo‘ydi. Uning «arilar» bilan amaldagi shartnomasi 2029 yilning yoziga qadar mo‘ljallangan.