«Brayton» klubining 25 yoshli markaziy himoyachisi Jan-Pol van Xekke «Liverpul» qiziqishlari doirasida turibdi.

Voetbal nashrining ma’lumotiga ko‘ra, niderlandiyalik futbolchi mersisaydliklar tarkibini kuchaytirish uchun asosiy nomzodlardan biri hisoblanadi. Qayd etilishicha, tomonlar allaqachon bir-birlari bilan aloqa o‘rnatishgan.

Futbolchining «Brayton» bilan amaldagi shartnomasi 2027 yilning iyun oyiga qadar mo‘ljallangan. Joriy mavsumda van Xekke APL doirasida 32 ta o‘yinda maydonga tushib, o‘z hisobiga 3 ta gol va 3 ta golli uzatmani yozdirib qo‘ydi.