«Real» sobiq yarim himoyachisi Toni Kroos Xabi Alonsoning Madrid klubi bosh murabbiyligidan iste’foga chiqarilgani haqida o‘z fikrini bildirdi.
«Xabi Alonsoning iste’fosi? Eng qiyin ish — bu «Real»ni boshqarish. Siz g‘alaba qozonishingiz mumkin, lekin odamlar baribir norozi bo‘lib qolaveradi. O‘z loyihangga asos solish uchun vaqting juda kam bo‘ladi. «Men jamoam bilan bir yildan keyin mana shunday o‘ynayman», deb o‘ylashga haqqing yo‘q. Natijalar hozirning o‘zida kerak», — deya Kroosning so‘zlaridan iqtibos keltirmoqda Madrid Extra.
Eslatib o‘tamiz, Xabi Alonso o‘tgan yilning yozida «Real» boshqaruvini qo‘lga olgan edi. Joriy yilning yanvar oyida ispaniyalik mutaxassis «qaymoqranglilar» ustozi lavozimini tark etdi. Ayni damda Madrid klubiga Alvaro Arbeloa rahbarlik qilmoqda.
