«Реал» собиқ ярим ҳимоячиси Тони Кроос Хаби Алонсонинг Мадрид клуби бош мураббийлигидан истеъфога чиқарилгани ҳақида ўз фикрини билдирди.
«Хаби Алонсонинг истеъфоси? Энг қийин иш — бу «Реал»ни бошқариш. Сиз ғалаба қозонишингиз мумкин, лекин одамлар барибир норози бўлиб қолаверади. Ўз лойиҳангга асос солиш учун вақтинг жуда кам бўлади. «Мен жамоам билан бир йилдан кейин мана шундай ўйнайман», деб ўйлашга ҳаққинг йўқ. Натижалар ҳозирнинг ўзида керак», — дея Крооснинг сўзларидан иқтибос келтирмоқда Madrid Extra.
Эслатиб ўтамиз, Хаби Алонсо ўтган йилнинг ёзида «Реал» бошқарувини қўлга олган эди. Жорий йилнинг январь ойида испаниялик мутахассис «қаймоқранглилар» устози лавозимини тарк этди. Айни дамда Мадрид клубига Альваро Арбелоа раҳбарлик қилмоқда.
