Milanning «Inter» klubi rahbariyati kelayotgan yozda Alessandro Bastonini yo‘qotishi mumkinligini tushunib turibdi. Ko‘plab mish-mishlarga qaraganda, italiyalik himoyachi o‘zini asosiy transfer maqsadlaridan biri sifatida belgilab olgan «Barselona»ga o‘tishni istamoqda.

Jurnalist Paskuale Guarro bergan ma’lumotlarga ko‘ra, «neradzurrilar» rahbariyati 27 yoshli futbolchi tez orada transfer so‘rovi bilan chiqishini taxmin qilmoqda. Shu tariqa, markaziy himoyachi «ko‘k-anorranglilar»ning ishini osonlashtiradi.

Alessandro Bastoni 2017 yildan beri «Inter»ga tegishli. Joriy mavsumda futbolchi Kristian Kivu jamoasi safida barcha turnirlarda 37 ta o‘yinda ishtirok etib, ikkita gol va oltita golli uzatmaga mualliflik qildi. Transfermarkt portali himoyachining qiymatini 70 million yevroga baholamoqda.