«Barselona» hujumchisi Ferran Torres «Osasuna» ustidan qozonilgan g‘alabadan (2:1) so‘ng jurnalistlar bilan suhbatlashdi. 26 yoshli futbolchi uchrashuvning 62-daqiqasida zaxiradan maydonga tushdi va 86-daqiqada raqib darvozasini ishg‘ol qilib, hisobni 2:0 ko‘rinishiga keltirdi.
«Jamoamiz oy sayin kuchayib bormoqda. Shaxsan o‘zim ham o‘zimni yaxshi his qilyapman. Hujumchi uchun gol urish juda muhim — oxirgi paytlarda buni yaxshiroq uddalayapman. Bugun vinger pozisiyasida maydonga tushdim, lekin o‘zimni qulay his qildim. «Barsa»da raqobat juda kuchli», — dedi Torres o‘z intervyusida.
Ferran oxirgi to‘rtta bahsda o‘z hisobiga to‘rtta gol yozdirib qo‘ydi. Bungacha u ketma-ket 15 ta o‘yinda raqiblar darvozasiga yo‘l topa olmay kelayotgan edi.
