«Барселона» ҳужумчиси Ферран Торрес «Осасуна» устидан қозонилган ғалабадан (2:1) сўнг журналистлар билан суҳбатлашди. 26 ёшли футболчи учрашувнинг 62-дақиқасида захирадан майдонга тушди ва 86-дақиқада рақиб дарвозасини ишғол қилиб, ҳисобни 2:0 кўринишига келтирди.
«Жамоамиз ой сайин кучайиб бормоқда. Шахсан ўзим ҳам ўзимни яхши ҳис қиляпман. Ҳужумчи учун гол уриш жуда муҳим — охирги пайтларда буни яхшироқ уддалаяпман. Бугун вингер позициясида майдонга тушдим, лекин ўзимни қулай ҳис қилдим. «Барса»да рақобат жуда кучли», — деди Торрес ўз интервьюсида.
Ферран охирги тўртта баҳсда ўз ҳисобига тўртта гол ёздириб қўйди. Бунгача у кетма-кет 15 та ўйинда рақиблар дарвозасига йўл топа олмай келаётган эди.
