«Chelsi»ning sobiq darvozaboni Pyotr Chex londonliklarning joriy mavsumdagi natijalaridan muxlislarning ko‘ngli to‘lmayotgani borasida o‘z fikrini bildirdi.
«Klubning merosi sovrinlar yutishdan iborat edi. Shunday ekan, agar oxirgi 15 yil ichida jamoaga muxlislik qila boshlagan istalgan ishqibozni olsangiz, ular ko‘rgan narsa faqat muvaffaqiyatlar bo‘lgan. Sizda muvaffaqiyatsiz davr boshlansa va ligadagi o‘rningiz yuqori bo‘lmasa, albatta, muxlislar buni his qilishadi.
Ishqibozlar bu borada savollar berishni boshlashadi va menimcha, klub ayni damda aynan shunday vaziyatda turibdi», — dedi Chex The Athletic nashriga bergan intervyusida.
Hozirgi vaqtda «Chelsi» Angliya chempionati turnir jadvalida 34 turdan keyin 48 ochko jamg‘arib, to‘qqizinchi o‘rinda bormoqda.
