«Челси»нинг собиқ дарвозабони Пётр Чех лондонликларнинг жорий мавсумдаги натижаларидан мухлисларнинг кўнгли тўлмаётгани борасида ўз фикрини билдирди.

«Клубнинг мероси совринлар ютишдан иборат эди. Шундай экан, агар охирги 15 йил ичида жамоага мухлислик қила бошлаган исталган ишқибозни олсангиз, улар кўрган нарса фақат муваффақиятлар бўлган. Сизда муваффақиятсиз давр бошланса ва лигадаги ўрнингиз юқори бўлмаса, албатта, мухлислар буни ҳис қилишади.

Ишқибозлар бу борада саволлар беришни бошлашади ва менимча, клуб айни дамда айнан шундай вазиятда турибди», — деди Чех The Athletic нашрига берган интервьюсида.

Ҳозирги вақтда «Челси» Англия чемпионати турнир жадвалида 34 турдан кейин 48 очко жамғариб, тўққизинчи ўринда бормоқда.