Massimiliano Allegri boshqaruvidagi «Milan» ikkinchi davrani (so‘nggi 16 tur) o‘tgan yilgiga qaraganda yomonroq o‘tkazmoqda. Hozirgacha Allegri qo‘l ostida klub ikkinchi davraning 16 ta o‘yinida 25 ochko jamg‘ardi.
Bu o‘tgan yili portugaliyalik mutaxassis Serdjiu Konseysau qayd etgan natijadan ikki ochkoga kamdir. Eslatib o‘tamiz, Konseysau o‘shanda jamoani mavsum o‘rtasida qabul qilib olgan va «Milan» bilan Italiya Superkubogini qo‘lga kiritgan edi (Allegri esa buning uddasidan chiqa olmadi). So‘nggi yillarda bundan yomonroq ko‘rsatkich faqat bir marta kuzatilgan — 2022/2023 yilgi mavsumda Stefano Pioli qo‘l ostida jamoa xuddi shu vaqt oralig‘ida atigi 23 ochko to‘plagan edi.
