Массимилиано Аллегри бошқарувидаги «Милан» иккинчи даврани (сўнгги 16 тур) ўтган йилгига қараганда ёмонроқ ўтказмоқда. Ҳозиргача Аллегри қўл остида клуб иккинчи давранинг 16 та ўйинида 25 очко жамғарди.
Бу ўтган йили португалиялик мутахассис Серджиу Консейсау қайд этган натижадан икки очкога камдир. Эслатиб ўтамиз, Консейсау ўшанда жамоани мавсум ўртасида қабул қилиб олган ва «Милан» билан Италия Суперкубогини қўлга киритган эди (Аллегри эса бунинг уддасидан чиқа олмади). Сўнгги йилларда бундан ёмонроқ кўрсаткич фақат бир марта кузатилган — 2022/2023 йилги мавсумда Стефано Пиоли қўл остида жамоа худди шу вақт оралиғида атиги 23 очко тўплаган эди.
