Milanning «Inter» klubi bosh murabbiyi Kristian Kivu jamoa bilan mehnat shartnomasini uzaytiradi. Bu haqda mashhur insayder Nikolo Skira xabar bermoqda.
Manba bergan ma’lumotlarga ko‘ra, shartnomani uzaytirish jarayoni yakuniy bosqichda turibdi. Hozirda so‘nggi detallar muhokama qilinmoqda, hujjatlarni imzolash esa mavsum yakunida rejalashtirilgan. Yangi kelishuv 2028 yilgacha mo‘ljallangan bo‘lib, uni yana bir mavsumga uzaytirish imkoniyati ham ko‘zda tutiladi. Qayd etilishicha, Kivuning yillik maoshi 4 million yevroni tashkil qiladi, bunga qo‘shimcha ravishda turli bonuslar ham qo‘shib beriladi.
Eslatib o‘tamiz, Kivu o‘tgan yozda «Inter» boshqaruvini qo‘lga olgan edi. Avvalroq Milan klubi «Parma»ni mag‘lub etib (2:0), muddatidan oldin Italiya chempioniga aylandi. Shuningdek, 13 may kuni Kivu shogirdlari Italiya Kubogi finalida «Lasio» bilan to‘qnash kelishadi va «oltin dubl»ni qayd etishlari mumkin.
