«Inter» himoyachisi Federiko Dimarko Skudettoni qo‘lga kiritganidan so‘ng, ushbu g‘alabani o‘tgan mavsumdan keyin unga shubha bilan qaraganlarga bag‘ishladi.

Kecha «neradzurri» «Parma»ni 2:0 hisobida mag‘lub etib, Seriya A yakuniga uch tur qolganida chempionlikni naqd qildi.

«Bu ajoyib tuyg‘u. Milan shahrini qora-ko‘k ranglarda ko‘rish — o‘zgacha zavq bag‘ishlaydi. Bu yangi boshlanish ta’midir. O‘tgan yilgi muvaffaqiyatsizliklardan so‘ng, biz jamoa va murabbiylar shtabi bilan birgalikda o‘zimizni tikladik, qattiq mehnat qildik va 21-Skudetto haqidagi orzuimizni amalga oshirdik.

Biz ahil jamoamiz va hatto qiyin damlarda ham birdamlikni saqlab qoldik. Har doim maydondagi harakatlarimiz bilan javob berdik. Endi bu chempionlikdan zavqlanishimiz kerak, chunki o‘tgan yilgi voqealardan keyin bu biz uchun juda katta ahamiyatga ega. Men bu g‘alabani barcha yaqinlarimga, ayniqsa, o‘tgan mavsum oxirida menga shubha qilib, "Dimarko tamom bo‘ldi" deb o‘ylaganlarga bag‘ishlayman», — dedi Dimarko «Inter» klub televideniyesiga bergan intervyusida.