«PSJ» sport maslahatchisi Luish Kampush Fransiya klubi Chempionlar ligasidagi ishtirokini yakunlaganidan so‘ng Moskvaga tashrif buyurishni rejalashtirmoqda. Tashrifdan ko‘zlangan maqsad — «Lokomotiv» yarim himoyachisi Aleksey Batrakovning ehtimoliy transferi bo‘yicha muzokaralar o‘tkazish.
Insayder Ivan Karpovning o‘z Telegram-kanalida ta’kidlashicha, ushbu o‘tish bo‘yicha ishlar chindan ham olib borilmoqda. Shu bilan birga, «PSJ» Batrakovni qo‘shimcha ravishda jonli ko‘rikdan o‘tkazishga ehtiyoj sezmayapti — klubda futbolchi haqida yetarlicha ma’lumotlar mavjud. Endi fransuz tomoni «Lokomotiv» rahbariyati va futbolchining vakillari bilan bevosita muloqotga kirishishni ko‘zlamoqda.
Batrakov joriy RPL mavsumida 27 ta uchrashuvda maydonga tushib, 13 ta gol va 10 ta golli uzatmani o‘z hisobiga yozdirib qo‘ydi. Uning bozor qiymati 25 million yevroga baholanmoqda.
