«ПСЖ» спорт маслаҳатчиси Луиш Кампуш Франция клуби Чемпионлар лигасидаги иштирокини якунлаганидан сўнг Москвага ташриф буюришни режалаштирмоқда. Ташрифдан кўзланган мақсад — «Локомотив» ярим ҳимоячиси Алексей Батраковнинг эҳтимолий трансфери бўйича музокаралар ўтказиш.
Инсайдер Иван Карповнинг ўз Telegram-каналида таъкидлашича, ушбу ўтиш бўйича ишлар чиндан ҳам олиб борилмоқда. Шу билан бирга, «ПСЖ» Батраковни қўшимча равишда жонли кўрикдан ўтказишга эҳтиёж сезмаяпти — клубда футболчи ҳақида етарлича маълумотлар мавжуд. Энди француз томони «Локомотив» раҳбарияти ва футболчининг вакиллари билан бевосита мулоқотга киришишни кўзламоқда.
Батраков жорий РПЛ мавсумида 27 та учрашувда майдонга тушиб, 13 та гол ва 10 та голли узатмани ўз ҳисобига ёздириб қўйди. Унинг бозор қиймати 25 миллион еврога баҳоланмоқда.
