«Shalke-04» klubi ijtimoiy tarmoqlarda jamoa bosh murabbiyi Miron Muslich bilan yangi kelishuvga erishilganini rasman ma’lum qildi. Avvalroq ushbu mutaxassis «konchilar»ga Bundesligaga qaytishda yordam bergan edi.
Murabbiy va Germaniya klubi o‘rtasidagi yangi mehnat shartnomasi 2028 yilning yoziga qadar amal qiladi. Muslich ushbu jamoada 2025 yilning may oyidan beri faoliyat yuritib kelmoqda. Uning murabbiylik faoliyatida, shuningdek, «Plimut Argayl», «Serkl Bryugge» va «Rid» kabi klublar ham bor.
Hozirda «Shalke-04» 67 ochko bilan Ikkinchi Bundesliga turnir jadvalida peshqadamlik qilmoqda. Mavsumning qolgan o‘yinlarida Gelzenkirxen jamoasi 9 may kuni safarda «Nyurnberg» bilan kuch sinashadi, 17 mayda esa o‘z maydonida «Ayntraxt Braunshveyg»ni qabul qiladi.













