«Шальке-04» клуби ижтимоий тармоқларда жамоа бош мураббийи Мирон Муслич билан янги келишувга эришилганини расман маълум қилди. Аввалроқ ушбу мутахассис «кончилар»га Бундеслигага қайтишда ёрдам берган эди.
Мураббий ва Германия клуби ўртасидаги янги меҳнат шартномаси 2028 йилнинг ёзига қадар амал қилади. Муслич ушбу жамоада 2025 йилнинг май ойидан бери фаолият юритиб келмоқда. Унинг мураббийлик фаолиятида, шунингдек, «Плимут Аргайл», «Серкль Брюгге» ва «Рид» каби клублар ҳам бор.
Ҳозирда «Шальке-04» 67 очко билан Иккинчи Бундеслига турнир жадвалида пешқадамлик қилмоқда. Мавсумнинг қолган ўйинларида Гельзенкирхен жамоаси 9 май куни сафарда «Нюрнберг» билан куч синашади, 17 майда эса ўз майдонида «Айнтрахт Брауншвейг»ни қабул қилади.
