«Arsenal» darvozaboni David Rayya joriy Chempionlar ligasining 13 ta o‘yinidan 9 tasida o‘z darvozasi daxlsizligini saqlab qoldi.

30 yoshli ispaniyalik posbon yarim finalning «Atletiko»ga qarshi kechgan javob uchrashuvida (1:0, birinchi o‘yin – 1:1) navbatdagi «quruq» o‘yinini o‘tkazdi.

Rayya Chempionlar ligasining bir mavsumida 9 ta o‘yinda gol o‘tkazmagan ilk ispaniyalik va ingliz klublarining ikkinchi darvozaboniga aylandi. Bunga qadar bunday natijani Santyago Kanisares («Valensiya», 2000/01), Keylor Navas («Real», 2015/16) va Eduar Mendi («Chelsi», 2020/21) qayd etishgan edi.

Chempionlar ligasining joriy mavsumida «quruq» o‘yinlar soni bo‘yicha ikkinchi o‘rinni «Tottenxem» a’zosi Gulyelmo Vikario egallab turibdi — 10 ta o‘yindan 6 tasida darvozasi daxlsizligini saqlagan.