«Bavariya» bosh murabbiyi Vensan Kompani «PSJ»ga qarshi o‘yin oldidan matbuot anjumanida ishtirok etdi. Jamoalar 6 may kuni Chempionlar ligasi yarim final javob uchrashuvida o‘zaro to‘qnash kelishadi. Birinchi bahsda «PSJ» 5:4 hisobida g‘alaba qozongan edi.

«Jamoani yana bir bor ruhlantirish uchun nima deyish haqida hozirdanoq o‘ylayapman. Maqsadimiz — g‘alaba qozonish. Bizda ham, «PSJ»da ham g‘alabalar ko‘p. Agar gol o‘tkazib yubormasdan zafar quchsak — bu juda soz. Lekin eng muhimi — shunchaki g‘alaba qozonish», — deya mutaxassisning so‘zlarini keltiradi UEFA rasmiy sayti.

Shuningdek, Kompani o‘zini xotirjam his qilayotganini va ushbu uchrashuv oldidan hissiyotlarga berilmayotganini ta’kidlab o‘tdi.