«Al-Hilol»ning qanot himoyachisi, ayni damda ijara asosida «Barselona»da to‘p tepayotgan Joau Kanselu butunlay Kataloniya klubiga o‘tishi mumkin.

Diario SPORT nashri tarqatgan ma’lumotga ko‘ra, «Al-Hilol» Kanselu uchun «Barselona»dan o‘n million yevro talab qilmoqda, biroq «ko‘k-anorranglilar» bu miqdordagi pulni to‘lashga tayyor emaslar. Tomonlar o‘rtasidagi muzokaralar shu oy davomida davom etadi. Agar transfer amalga oshsa, Kanselu «Barselona» bilan ikki yillik yoki «1+1» sxemasi bo‘yicha shartnoma imzolaydi.

Qayd etish joizki, avvalroq «Al-Hilol» himoyachi uchun 15 million yevro so‘ragan edi, biroq keyinchalik futbolchining narxini tushirdi.

Kataloniyaliklar 31 yoshli portugaliyalik futbolchini shu yilning yanvar oyida ijaraga olishgan edi. O‘shandan beri u barcha musobaqalarda 19 ta uchrashuvda maydonga tushib, bitta gol urdi va to‘rtta golli uzatmani amalga oshirdi.