«PSJ» bosh murabbiyi Luis Enrike Chempionlar ligasi doirasidagi «Bavariya»ga qarshi bo‘lajak o‘yin borasidagi rejalari bilan o‘rtoqlashdi.

«Biz birinchi o‘yindagi natijani himoya qilish niyatida emasmiz, chunki bizning maqsadimiz — ushbu uchrashuvda g‘alaba qozonish. Bugun barcha muxlislar kuylashadi, futbolchilar esa maydonda o‘ynashadi», — deya Enrikening so‘zlarini keltirdi jurnalist Fabrisio Romano.

Eslatib o‘tamiz, yarim finalning ilk bahsida «PSJ» o‘z uyida «Bavariya»ni 5:4 hisobida mag‘lub etgan edi. Javob uchrashuvi bugun tunda Myunxenda bo‘lib o‘tadi.