«ПСЖ» бош мураббийи Луис Энрике Чемпионлар лигаси доирасидаги «Бавария»га қарши бўлажак ўйин борасидаги режалари билан ўртоқлашди.
«Биз биринчи ўйиндаги натижани ҳимоя қилиш ниятида эмасмиз, чунки бизнинг мақсадимиз — ушбу учрашувда ғалаба қозониш. Бугун барча мухлислар куйлашади, футболчилар эса майдонда ўйнашади», — дея Энрикенинг сўзларини келтирди журналист Фабрицио Романо.
Эслатиб ўтамиз, ярим финалнинг илк баҳсида «ПСЖ» ўз уйида «Бавария»ни 5:4 ҳисобида мағлуб этган эди. Жавоб учрашуви бугун тунда Мюнхенда бўлиб ўтади.
