«Arsenal» klubi «Chelsi» yarim himoyachisi Enso Fernandesni qo‘lga kiritish harakatini boshladi. TEAMtalk nashri tarqatgan ma’lumotlarga ko‘ra, «kanonirlar» argentinalik futbolchi uchun kurashda «Manchester Siti» va «Barselona» bilan raqobatlashadi.
Ma’lum bo‘lishicha, Enso «ko‘klar»ning hozirgi loyihasidan ko‘ngli to‘lmayyotgan bir nechta futbolchilardan biri hisoblanadi. «Chelsi» Fernandesni sotish niyatida bo‘lmasa-da, jahon chempioniga bo‘lgan qiziqish kundan-kunga ortib bormoqda.
Enso Fernandes 2023 yilda «Benfika»dan 121 million yevro evaziga «Chelsi»ga o‘tgan edi. Uning London klubi bilan shartnomasi 2032 yilning 30 iyuniga qadar imzolangan.
Joriy mavsumda yarim himoyachi «Chelsi» safida barcha turnirlarda 50 ta o‘yinda ishtirok etib, 13 ta gol urdi va 6 ta golli uzatmani amalga oshirdi.
