«Арсенал» клуби «Челси» ярим ҳимоячиси Энцо Фернандесни қўлга киритиш ҳаракатини бошлади. TEAMtalk нашри тарқатган маълумотларга кўра, «канонирлар» аргентиналик футболчи учун курашда «Манчестер Сити» ва «Барселона» билан рақобатлашади.

Маълум бўлишича, Энцо «кўклар»нинг ҳозирги лойиҳасидан кўнгли тўлмайётган бир нечта футболчилардан бири ҳисобланади. «Челси» Фернандесни сотиш ниятида бўлмаса-да, жаҳон чемпионига бўлган қизиқиш кундан-кунга ортиб бормоқда.

Энцо Фернандес 2023 йилда «Бенфика»дан 121 миллион евро эвазига «Челси»га ўтган эди. Унинг Лондон клуби билан шартномаси 2032 йилнинг 30 июнига қадар имзоланган.

Жорий мавсумда ярим ҳимоячи «Челси» сафида барча турнирларда 50 та ўйинда иштирок этиб, 13 та гол урди ва 6 та голли узатмани амалга оширди.