«Bavariya» sport direktori Maks Eberl Chempionlar ligasi yarim finali doirasidagi «PSJ» bilan bahsda (1:1, birinchi o‘yin – 4:5) bosh hakam Joau Pedru Pinyeyruning harakatlarini tanqid qildi.

Hakamlik haqida

«Ehtimol, «Bavariya» futbolchilari bir-ikkita noto‘g‘ri qaror qabul qilishgandir, lekin maydondagi kimdir ham bir yoki ikkita noto‘g‘ri qaror chiqardi. Aynan shunday detallar yakunda yarim final taqdirini hal qiladi».

Mendeshning qo‘l bilan o‘ynagani haqida

«Hakam burchak to‘plari vaqtida doimo o‘zining portugaliyalik vatandoshlari («PSJ» futbolchilari) bilan gaplashib turdi. Balki ularga Mendeshning qo‘li bo‘yicha nimalarnidir tushuntirgandir, lekin menga emas.

Ikkinchi sariq va keyinchalik qizil bo‘lishi mumkin bo‘lgan vaziyatda to‘satdan qaror boshqa tomonga o‘zgarib ketdi. O‘ylaymanki, bu hammani hayron qoldirdi. Men Laymerning qo‘l bilan o‘ynaganini ko‘rmadim, ammo Mendeshning qo‘li ancha aniq edi».

«PSJ» jarima maydonchasida Neveshning qo‘liga to‘p tekkani haqida

«Hakamlardan kimdir bu aniq penalti deydi, qolgan yarmi esa qaror to‘g‘riligini ta’kidlaydi. Xo‘sh, qoidaning o‘zi qanaqa? Hech kim menga buni tushuntirib bera olmayapti! Mening nuqtai nazarimcha, bu jarima maydonchasi ichida qo‘l bilan o‘yin edi», — dedi Eberl.