«Komo» bosh murabbiyi Sesk Fabregas o‘z lavozimini tark etishga shoshilmayapti. Ispaniyalik mutaxassis Italiyada muvaffaqiyatli ish olib bormoqda va Yevropadagi eng talabgir yosh murabbiylardan biri hisoblanadi. Insayder Nikolo Skiraning ma’lumotlariga ko‘ra, 39 yoshli murabbiy Angliya Premyer-ligasining ikki vakilidan tushgan takliflarga allaqachon rad javobini bergan. Klublarning nomlari hozircha oshkor qilinmayapti.
Xabar qilinishicha, Sesk Fabregas «Komo»da yana kamida bir mavsum qolishga tayyor. «Arsenal», «Chelsi» va «Barselona»ning sobiq yarim himoyachisi boshqarayotgan jamoa A Seriyaning 35 turidan so‘ng turnir jadvalida oltinchi o‘rinni egallab turibdi.
