«Liverpul» yana bir yirik transfer kampaniyasini o‘tkazish va kamida besh nafar yangi futbolchini tarkibga qo‘shib olishni rejalashtirmoqda. Bu haqda The Athletic nashri xabar berdi.

Nashr jurnalisti Jeyms Pirsning ma’lum qilishicha, Muhammad Saloh va Endi Robertson jamoani tark etganidan keyin klub yangi mavsum oldidan tarkibni jiddiy yangilamoqchi. Asosiy e’tibor hujum chizig‘i, yarim himoya va himoyaning ikki qanotini kuchaytirishga qaratilgan.

Qayd etilishicha, «Liverpul» Saloh o‘rniga o‘ng qanot hujumchisini qidirmoqda. Shuningdek, Ugo Ekitike axill payi og‘ir jarohat olgani sababli yana bir hujumchi olib kelish rejalashtirilgan. Bundan tashqari, klub markaziy yarim himoya hamda o‘ng va chap qanot himoyachilari pozisiyalarini ham kuchaytirish variantlarini ko‘rib chiqmoqda.

Ehtimoliy nomzodlar qatorida Yan Dyomande, Entoni Gordon, Adam Uorton, Alexandro Balde va Denzel Dumfris bor.

Eslatib o‘tamiz, o‘tgan yozda mersisaydliklar tarkibni yangilash uchun taxminan 440 million funt sarflagan edi.