«Liverpul» sobiq himoyachisi Jeymi Karrager «Arsenal» yarim himoyachisi Deklan Raysning jamoa o‘yiniga ko‘rsatayotgan ta’siri haqida gapirdi.

«Men Deklan Rays ajoyib o‘yin ko‘rsatdi deb hisoblayman, u har ikkala uchrashuvda ham eng yaxshi futbolchi bo‘ldi.

«Arsenal» so‘nggi 9–10 oy ichida erishgan natijalari tufayli Chempionlar Ligasi va Premyer-ligada hozirgi darajasiga chiqqan bo‘lsa-da, yaqin orada ular biroz muvozanatdan chiqib qolishgan edi. So‘nggi haftada jamoa o‘ziga keldi va menimcha, Deklan Raysni biroz tayanch zonasiga o‘tkazish qarori juda katta ta’sir ko‘rsatdi.

U Madridda haqiqatan ham yaxshi o‘ynadi, ikkinchi bahsda esa eng yaxshi futbolchi sovrinini qo‘lga kiritdi. Shu bilan birga, «Arsenal» «Fulxem»ni mag‘lub etdi (3:0) va biz ilk bor ularning chindan ham erkin va xotirjam o‘ynayotganini ko‘rdik. Bunday o‘yinni ko‘rmaganimizga bir necha oy bo‘lgandi, adashmasam, Shimoliy London derbisida «Tottenxem» 4:1 hisobida mag‘lub etilganidan beri bunday holat kuzatilmagandi», — dedi Karrager CBS Sports efirida.

Mikel Arteta shogirdlari 30 may kuni YECHL finalida «PSJ»ga qarshi maydonga tushadilar.