«Ливерпуль» собиқ ҳимоячиси Жейми Каррагер «Арсенал» ярим ҳимоячиси Деклан Райснинг жамоа ўйинига кўрсатаётган таъсири ҳақида гапирди.
«Мен Деклан Райс ажойиб ўйин кўрсатди деб ҳисоблайман, у ҳар иккала учрашувда ҳам энг яхши футболчи бўлди.
«Арсенал» сўнгги 9–10 ой ичида эришган натижалари туфайли Чемпионлар Лигаси ва Премьер-лигада ҳозирги даражасига чиққан бўлса-да, яқин орада улар бироз мувозанатдан чиқиб қолишган эди. Сўнгги ҳафтада жамоа ўзига келди ва менимча, Деклан Райсни бироз таянч зонасига ўтказиш қарори жуда катта таъсир кўрсатди.
У Мадридда ҳақиқатан ҳам яхши ўйнади, иккинчи баҳсда эса энг яхши футболчи совринини қўлга киритди. Шу билан бирга, «Арсенал» «Фулхэм»ни мағлуб этди (3:0) ва биз илк бор уларнинг чиндан ҳам эркин ва хотиржам ўйнаётганини кўрдик. Бундай ўйинни кўрмаганимизга бир неча ой бўлганди, адашмасам, Шимолий Лондон дербисида «Тоттенхэм» 4:1 ҳисобида мағлуб этилганидан бери бундай ҳолат кузатилмаганди», — деди Каррагер CBS Sports эфирида.
Микель Артета шогирдлари 30 май куни ЕЧЛ финалида «ПСЖ»га қарши майдонга тушадилар.
