«Liverpul» bosh murabbiyi Arne Slot mavsumning final qismi haqida o‘z fikrlarini bildirdi. 9 may kuni uning shogirdlari Angliya chempionatining 36-turi doirasida «Chelsi»ga qarshi maydonga tushadilar.

«Hatto qolgan uchta turda g‘alaba qozongan taqdirimizda ham, hamma bu mavsumni ijobiy baholaydi deb o‘ylamayman. Biz uchun kamida bitta g‘alabaga erishish muhim, chunki bu Chempionlar Ligasiga yo‘llanma olish uchun yetarli bo‘ladi deb hisoblaymiz. Biz buni eng yaxshi tarzda amalga oshirishga harakat qilamiz», — deya Slotning so‘zlarini keltiradi BBC.

«Ijobiy tomoni shundaki, jamoamiz uchun juda muhim bo‘lgan bir nechta futbolchilar dam olish kunlari yoki undan keyin safga qaytadilar. Bu biz istagan maqsadga erishishda yordam beradi. Uchta g‘alaba tanqidchilarni jim bo‘lishga majbur qila olmaydi. Bizga ancha uzoq davom etadigan yaxshi natijalar seriyasi kerak», — deya ta’kidladi mutaxassis.

Hozirda «Liverpul» 58 ochko bilan to‘rtinchi o‘rinni egallab turibdi, «Chelsi» esa 48 ochko bilan to‘qqizinchi pog‘onada bormoqda.