«Ливерпуль» бош мураббийи Арне Слот мавсумнинг финал қисми ҳақида ўз фикрларини билдирди. 9 май куни унинг шогирдлари Англия чемпионатининг 36-тури доирасида «Челси»га қарши майдонга тушадилар.
«Ҳатто қолган учта турда ғалаба қозонган тақдиримизда ҳам, ҳамма бу мавсумни ижобий баҳолайди деб ўйламайман. Биз учун камида битта ғалабага эришиш муҳим, чунки бу Чемпионлар Лигасига йўлланма олиш учун етарли бўлади деб ҳисоблаймиз. Биз буни энг яхши тарзда амалга оширишга ҳаракат қиламиз», — дея Слотнинг сўзларини келтиради BBC.
«Ижобий томони шундаки, жамоамиз учун жуда муҳим бўлган бир нечта футболчилар дам олиш кунлари ёки ундан кейин сафга қайтадилар. Бу биз истаган мақсадга эришишда ёрдам беради. Учта ғалаба танқидчиларни жим бўлишга мажбур қила олмайди. Бизга анча узоқ давом этадиган яхши натижалар серияси керак», — дея таъкидлади мутахассис.
Ҳозирда «Ливерпуль» 58 очко билан тўртинчи ўринни эгаллаб турибди, «Челси» эса 48 очко билан тўққизинчи поғонада бормоқда.
