Juma kuni bo‘lib o‘tgan matbuot anjumanida «Manchester Siti» bosh murabbiyi Xosep Gvardiolaga hujumkor yarim himoyachi Fil Fodenning kelajagi borasida savol berildi. Avvalroq matbuotda Foden «shaharliklar» bilan shartnomani uzaytirish bo‘yicha kelishuvga yaqin ekani haqida xabarlar tarqalgan edi.
«Men direktorlarimizdan Fodenning kelajagi haqida so‘radim. Ular kelishuvga yaqin kelishgan. Umid qilamanki, bu amalga oshadi, lekin hozircha masala to‘liq yopilgani yo‘q», — dedi Gvardiola jurnalistlarga.
Fil Foden — «Manchester Siti» akademiyasi tarbiyalanuvchisi hisoblanadi. 25 yoshli futbolchi asosiy jamoa safida 365 ta rasmiy o‘yinda maydonga tushib, o‘z hisobiga 110 ta gol va 66 ta golli uzatmani yozdirib qo‘ygan.













