«PSJ» darvozaboni Lyuka Shevalye kelganiga bor-yo‘g‘i bir yil bo‘lganiga qaramay, klubni tark etishi mumkin. Fransiyalik posbonning kelajagi noaniq qolmoqda u Parij grandi asosiy tarkibidagi joy uchun kurashda Matvey Safonovga imkoniyatni boy berdi.
Jurnalist Ekrem Konurning ma’lumotiga ko‘ra, «Liverpul» Shevalyeni o‘z darvozaboni Alisson Bekkerga o‘rinbosar sifatida ko‘rib chiqmoqda. Braziliyalik posbonning «Yuventus»ga o‘tishi kutilmoqda.
Lyuka Shevalye o‘tgan yilning avgust oyida «Lill»dan 40 mln yevro evaziga «PSJ»ga o‘tgan edi, biroq o‘z o‘yini bilan murabbiy Luis Enrikeni ishontira olmadi. 24 yoshli darvozabon parijliklar safida 26 ta o‘yinda ishtirok etib, o‘z darvozasidan 28 ta to‘p olib chiqdi. Transfermarkt portali uning qiymatini 30 mln yevroga baholamoqda.
