«ПСЖ» дарвозабони Люка Шевалье келганига бор-йўғи бир йил бўлганига қарамай, клубни тарк этиши мумкин. Франциялик посбоннинг келажаги ноаниқ қолмоқда у Париж гранди асосий таркибидаги жой учун курашда Матвей Сафоновга имкониятни бой берди.
Журналист Экрем Конурнинг маълумотига кўра, «Ливерпуль» Шевальени ўз дарвозабони Алиссон Беккерга ўринбосар сифатида кўриб чиқмоқда. Бразилиялик посбоннинг «Ювентус»га ўтиши кутилмоқда.
Люка Шевалье ўтган йилнинг август ойида «Лилль»дан 40 млн евро эвазига «ПСЖ»га ўтган эди, бироқ ўз ўйини билан мураббий Луис Энрикени ишонтира олмади. 24 ёшли дарвозабон парижликлар сафида 26 та ўйинда иштирок этиб, ўз дарвозасидан 28 та тўп олиб чиқди. Transfermarkt портали унинг қийматини 30 млн еврога баҳоламоқда.
