«PSJ»ning «Arsenal»ga qarshi bo‘lib o‘tadigan Chempionlar ligasi final uchrashuviga qay tarzda tayyorgarlik ko‘rishi haqida ma’lumotlar paydo bo‘ldi.

L'Équipe nashrining ta’kidlashicha, parijliklar Fransiya chempionati yakunlanganidan keyin alohida yig‘inlar yoki o‘rtoqlik uchrashuvlari o‘tkazishni rejalashtirmayapti. Vaholanki, jamoa Liga 1 doirasidagi so‘nggi o‘yinini 17 may kuni o‘tkazadi, final esa 30 mayda.

Kutilishicha, chempionatning yakuniy o‘yinidan so‘ng «PSJ» bosh murabbiyi Luis Enrike futbolchilarga kamida uch kunlik ta’til beradi, shundan so‘ng mashg‘ulotlar boshlanadi. Mutaxassis jamoaning qayergadir safar qilishini va ortiqcha zo‘riqishini istamayapti. U klubning mashg‘ulot bazasini tayyorgarlik ko‘rish uchun eng yaxshi makon deb hisoblaydi.